بياع هوا
الأحد، 3 فبراير 2008
جيل في قفص الإتهام
يا سيدي القاضي العزيزْ
إني أرى جيلاً من الأحلام عانقَه الغروبْ
جيلٌ يَذوبْ
ما عاد يملك أنْ يَسِيرْ
ما عاد يملك أنْ يكون مميّزًا
إنْ ظلَّ ينتظر المصِيرْ
جيلٌ صَغِيرْ
يرنو معانقة الكسلْ
من تحت أمطار السماءْ
ويقَدسُ التفكير في وقت المساءْ
في ظل أضواء الشموعِ
الذائباتِ علي مصيرٍ يحتضرْ
يبكي نهارًا مظلمًا بالظالمينْ
فَتحطمتْ في داخله
كل انتماءاتِ الجنينِ إلي الحياةْ
فَدماؤه يجري بها سمٌ زُعَافٌ قَاتلٌ
يُدمي العقولَ ويسلب الروحَ الكِيانَ بِلا حياءْ
ويحطمُ الريحانةَ البيضاء في قَلب العذارى التائبينْ
قُتِلَ الحنينْ
وتبَلدَتْ كل المشاعرِ في قلوبِ العَاشقِينْ
لتصيرَ حبرًا جامدًا
يحكي خريفًا يابِسًَا وسقوط أوراقِ الشجرْ
كيف الربيع بِدون ماءٍ سيدي
والماءُ مفتاح المطرْ
جنَّ السُّؤالُ من التساؤلِ عن جوابْ
شابَ الشبابْ
ما عاد يبصر ماءَه إلا سرابْ
قَد أنهكتْ طاقَاته في ذلك الوقتِ الوجيزْ
يَا سيدي القَاضي العزيزْ
قَد ماتتْ الأحلامُ في رحم الحياةْ
والموت ينتظر المزيدْ
فلتلحقوا بِفتات جيلٍ يحترقْ
من قَبل أن يمسي رمادًا ساكنًا أو ينفجرْ
فتثورُ حباتُُ الرمادِ المحترقْ
في كلِ أنحاءِ السماءْ
كي ما تصير سحابةً سوداءَ
تُخفي النورَ عن عين الكثيرْ
وتفيضُ بِالمطرِ الغزيرْ
مطرٌ منَ الإحباطِ فَوْقَ رُؤوسنا
أَدلتْ به فَوقَ الرؤوس وفي النفوسِ
سحابة اليأس الخبيثْ
يا سيدي القَاضي العزيزْ
أنا لست أرفض ما يشاءُ اللهُ للعبدِ العنِيدْ
لكنني أأبى محاكمةَ الضحيةِ أو عتابًا من جديدْ
فَالليل أوشك أن يفورْ
والفجر أضحى بين بينْ
والطير يذبح مرةً
لا مرتينْ
الطير يذبح مرةً
لا مرتينْ
الاثنين، 28 يناير 2008
هبوط اضطراري
أجمل ما فيكى نظرتك
لما شعاع الشمس يعكس فوق جبينك رقتك
واما عيونك تبتسم
أو يترسم ضحكه بريئه ع الخدود
طعم السعاده لما اشوفها ملوش .. حدود
نفسى .. أغنى للربيع
واعزف قصايد فرحتي لحن الوجود
لكن .. ساعات نظرة عنيكى تشدنى وتضمنى
والقانى وسط الموج بتوه
وانده عليكى فى غربتى
فيرد فيا الصوت .. مفيش
والقى فى قلبى من الكلام زلزال حروفه متلتقيش
(فاضل ... مفيش)
والعش مش ممكن يعيش فوق السما
أو يتبنى تحت التراب
وازاى نآمن حلمنا
لو يوم نحس انه سراب
وازاى نشوف ف الحلم نور
والنوم صبح مليان ضباااب
عصفور ... جرىء
كان كل صبره انك تكونى ضلته
من حرة الظلم اللى نازل فوق كتافه ع البدن
كالسوط بيجلد فرحته
لاجل امّا يخطفها الغراب
ارمى شباكك يا ملاك
ده انا قلبى من خوفك هواك
يا مين يصبر قلب مستنظر لقاك
زاد العفاف على قلبه من بعدك تقل
والحب جوه القلب زاد
طب ليه نقضى العمر فى اللوم والعتاب
ده الجرح صفحه من كتاب
وبرغم إنَّك
دوست ع القلب اللى كان محتاج لحضنك
لسه مستنى الجواب
يا شمعه
لسه نفسى نورها مينطفيش
سامحينى
مش هقدر أمد إديا تانى .. للسراب
الثلاثاء، 22 يناير 2008
لن أتردد بعد اليوم
يا حُورِيَة الحُلمِ القادمِ بعدَ النومْ
لا تبتئسي
إن طال الجسر الواصل بين العلم وبين العين وبين الحق
مهما
ذابت أحلامي في آلامي في أوراقي
مهما .. تمْ
مهما كان مصيرُ العالم في قلبي
مملوءًا .. بالدمْ
حتى .. لو جاء الطوفانُ الأعظمُ
واقتلع النبتَ الأخضرَ من قريتنا
ووقفت أواجه وحدي كل جيوش اللومْ
لا تبتئسي
لن أترك معركتي الأزلية
حتى تسحب أوراقي
أو أن أهلك بين القومْ
يا حُورِيَة الحُلمِ القادمِ بعدَ النومْ
لا تبتئسي
سنعود سويًا
هاتي قلبك في قلبي
كي يولد مخلوق آخر من نسل العشق ولا يفطمْ
هاتي دربك في دربي
لنواجه كل جبال اليأس وكل سياط الظلمْ
هاتي كفك في كفي
كي نتعاهد
كي أعدك أني لن أتردد بعد اليومْ
يا حُورِيَة الحُلمِ القادمِ بعدَ النومْ
الليل علي قريتنا طالْ
حتما سنعود
وتعود الشمس إلي مطلعها
ويعود الحق إلي قريتنا كالشلال
فلتبتسمي
حبكِ ... يشعلُ طاقاتي
كي تُخرجَ كنزًا مدفون
حبك ... صوت يأتي من أعماقي
لا تيأس ... حتما سنكون
يا حُورِيَة الحُلمِ القادمِ بعدَ النومْ
يا نصف الروح ونصف العمر وكل الكون
قد آن اليوم بأن نتناول رشفةَ ماءٍ بعد الصومْ
فأعيريني من عينيكِ
قبسًا من نورٍ
كي تتحول كل الآلام
ورودًا
ورياحين
كي يتحول دميَ المسفوكُ إلي .. مسكْ
كي أتجرعَ
من عينيكِ
كأس حنانٍ
وأنامْ
الخميس، 10 يناير 2008
اوعاك تميل
أذن الميدان ليك بالرحيل
فتح الضلام ابوابه ليك لاجل ما ترضي تكون .. قليل
اوعااااك تميل
شق الضلام .. واوعاك تغني وترضي باللحن الأخير
لو كانت الأرض العنيدة .. بترفضك
ارفع عيونك للسما
وارسم طريقك بالألم
لون رسومك بابتسامتك للحياة
لو ترضي تبقي الضلمة ليك
راح يبقي ايه لون المصير؟؟
حاول .. تجاوب ع السؤال
واوعاك .. تغني وترضي باللحن الأخير
****************
الجمعة، 24 أغسطس 2007
الفقلسة
اتفلسفوا واتنفسوا واتخنفسوا
بكره أكيد هتفلسوا
تلقوكوا واقفين ع الهوا
تتفقلسوا
الجمعة، 6 يوليو 2007
مين البطل ؟؟
ماتت قلوب الخلق لمَّا مات ضميرها وانعدمْ
وازّاي تعيش نقطة ضمير والحَق صوته بيتكتمْ
والدّين .. بقي سلعة رخيصة بتترمي
ويلملم الأشلاء لنا
اللي ما يفْهم في الشّرا
مين يشتري؟؟
جابوا الخواجَه لاجل يدْعم ضعفنا
احذف وعدّل يا خواجه زي ما سيادتك تعوز
احذف وعدّل في النصوصْ !
مش نصنا !
ده احنا غلابه ندفن في العيش نعيش
هاتوا المعونة البضايع لاجل يكتر قمحنا
يا حزننا
يا حزننا
كان النبي ديمًا يقول
سيدْنا دَاوُد كاتْ وكلته من صنعته
ومّا يشوف خط الفقير في اديه معلّم م الشّقيْ
كان يبتسم
ربَّك يحب العبد يشقي لاجل ياكل لقمته
يا امُ العِيَال الواد كبر
من كُتر لفُّه خلاص .. تِعب
شاف الطَّابور قلبه انخلع
جالكْ وشايل حسرته ما بين سُؤال
يا امُ العيَال
ايه راح يكون لو تنفتح أو تنكسرْ
كل المَبَادئ والقيمْ
ما الكل عايش بين سكون
عمَّال يدور
ساقية نهايتَك يا وطن
الكل فيها بيبتسم ويقول .. أنا
هو صحيح مين البطل ؟؟
اللي بينحَت في الجبل
ولَّا اللي راح ماتْ وانقتل
ولَّا اللي باع كلمة أمل من حَسْرته
ولَّا اللي راسم صرخته
تاااااه السؤال
مابين دُروب الاحتمال
ايه السبب إنّ احنا مشْ قادرين ناكَّل نفسنا؟؟
شاطرين أويْ وفي كُل مولد نحتفل
من أجل حبَّك يا نبي؟؟
من أجل حبَّك يا نبي؟؟
حــــب النبي مش كلمتين متلونين فوق الورق
ولا صرخة بين صمت الخلايق تنحرق
حب النبي إنك تضيف لدّنيا خير
وترجع الحلّم باديك .. لو يتسرق
********
الجمعة، 4 مايو 2007
والرحيل هويتي
لمـا تكــــون محبوس جواك
منتـــش قـادر تطـــلــع بــــرّه
منــتـــش طايـــل تبــــقي معـــاك
منتش طايل منك ذرة
**********
لما تـحــس ان انـت مـش انت
وما تـضــــيــع من نفســـك نفســك
وما تحـــس في مرة بأنك ألــفين حـتة
وان غروبـــك ساعة شمـســـك
**********
لما بتـــلقـــي كلامـك صمتـــك
وما في صمتـــك تلقي عذابــــك
وما تــقـــرب مــنـك هيبتـــك
وما بتقـــفــل هيبـتـــك بابـــك
**********
لما تكون مـتغــــرب مـــنــك
نفســـك ترجـــع تانــي لنفســــك
ومّا بتخــلــف عنـــك ظنـــك
ومّا بيــبــعـــد عــنـك همســـك
؟؟؟؟؟؟
الثلاثاء، 13 مارس 2007
فـــتــح عـــيـــون قلـــبــك
: مهداه إلي صديق ضرير
فتح عيون قلبك
واكسر حدود خوفك
مهما الطريق ضلم
هتشوفنا ... ونشوفك
يا صحبي انا جنبك
قلبي الضعيف حسك
نبض القلوب واحد
ما دمت انا في قلبك
ياما كتير زيك اليأس كان بابهم
لما البيبان قفلت سابوا الأمل سابهم
يا صحبي ليه تيأس
والقلب فيه نبضك
خلي الأمل عندك
مهما الألم عاندك
واضحك .... بـــــلاش تبكي
صوتك بيرويني
اضحك ... بــــلاش تبكي
ضحكك يدفيني
والمس كمان إيدي
لمسة إديك نسمة
تنطق بميت كلمة
لحن حروف صمتك
لون غيوم جوفك
فتح عيون قلبك
واكسر حدود خوفك
