بياع هوا
الثلاثاء، 13 مارس 2007
فـــتــح عـــيـــون قلـــبــك
: مهداه إلي صديق ضرير
فتح عيون قلبك
واكسر حدود خوفك
مهما الطريق ضلم
هتشوفنا ... ونشوفك
يا صحبي انا جنبك
قلبي الضعيف حسك
نبض القلوب واحد
ما دمت انا في قلبك
ياما كتير زيك اليأس كان بابهم
لما البيبان قفلت سابوا الأمل سابهم
يا صحبي ليه تيأس
والقلب فيه نبضك
خلي الأمل عندك
مهما الألم عاندك
واضحك .... بـــــلاش تبكي
صوتك بيرويني
اضحك ... بــــلاش تبكي
ضحكك يدفيني
والمس كمان إيدي
لمسة إديك نسمة
تنطق بميت كلمة
لحن حروف صمتك
لون غيوم جوفك
فتح عيون قلبك
واكسر حدود خوفك
7 Comments:
بوست مميز
ربنا يشفية
تحياتى
ربنا يشفى الجميع يا
الف مبروووووووووك على البلوج
وربنا يوفقك
الموضوع بجد والله مفيش كلام يعبر عنه
ولا راي يوفيه حقه
وأضحك بـــــــــــلاش تبكي
صـوتـك بيـرويـنـي
أضحك بــــــــــلاش تبكي
ضـحكـك يدفـينـي
بجد الكلام اكتر من رائع
والاحساس فظيع جدا
والله موضوع جميل جدا اسلوبك دايما بيعجبنا ربنا يوفقك
والله الراجل ده بيقول كلام زى الفل يا جماعه و لازم نشجعه
فتح عيون قلبك وأكسر حدود خوفك
مهما الطريق ضلم...هتشوفنا
ونــــــشــوفــــك
الله عليك
شعرك بجد جميل قوي
وانت شخص ديما بقف عنده
انت كبير بطموحك وتوجهاتك
ديما بقيم الناس بأحلامهم
برؤيتهم
وانت مبتبصش تحت رجليك
ولا وراك
انت لمحت الضوء
و بتتجه في خطوات ثابتة
أكيد هتوصل
أزال أحد مشرفي المدونة هذا التعليق.
tamer
________
ألف شكر وأتمني المتابعة
crazy-boy
_________
شكرا علي التعليقات السهلة الممتنعة
one true thing
_______________
الله يبارك فيك والبلوج تحت أمرك والقصيدة دي بالذات ليها مكانة كبيرة قوي في قلبي عشان كده أبتديت بيها
وشكرا علي المجاملة
dew_bright
__________
يا ستي أحنا لسه بنقول يا فتاح يا عليم وربنا معانا
huda
_____
والله أنا خايف للضوء ده يطلع سراب وعلي رأي الشاعر والي طلع هندي أنا عموما الف شكرا علي الزيارة
________
وأخيرا
الاستاذ الي مكسوف يقول أسمه
يا عم أنت داخل تعطيني دش ولا أيه بس عموما شكرا علي الزيارة والنصيحة
والواحد برضه لسه بيتعلم
هو أنا بس معترض علي حتة أن الكلام ده مش زمنه والناس هتتقرييه عليك يا عم أنا مبكتبش عشان يسقفولي أنا بكتب أرتاااح
إرسال تعليق
<< Home